Garðdagur

Mánadagin 25.august skipaði skúlastýrið í skúlanum á Fossánesi fyri garðdegi. Byrja var við kaffi og kakum. Síðani var farið til verka. Tað bleiv lúkað og hampað millum trø og í skúlalagnum. Eisini var sandur fyltur í onkra trappu niðanfyri skúlan.

Veðrið var gott fyrstu løtuna, men so dróg hann á luftina, og tað byrjaði at sirma.

Foreldur og børn tóku sær eisini stundir at hugna sær.

Dagurin endaði við felags døgurða, ið smakkaði sera væl.

Skúlastýrið takkar øllum, ið vóru við til dagin.