1. flokkur

Vika 25

Mánadagur
15. juni
Útferð
Eftir morgunsangin fer allur skúlin útferð inn í dalar at hugna sær. Tit eru vælkomin at hava spann, glúp, handklæð og eyka sokkar og buksur ella tað, sum tit halda er brúk fyri, tá man fer at hugna sær í og við eina á og sjálvandi matpakka ;) 
Eftir útferðina fer allur skúlin at svimja. So tí mugu tit eisini hava svimjiklæðir við. Skúladagurin er liðugur uml. 13.45, tá vit koma norð við bussinum.
Svimjing
Øll fara at svimja, um onkur ikki skal svimja, ella skal vera eftir í Klaksvík, skal eg hava eitt sms á tlf. 255823. Fartelefonirnar liggja í skúlanum til vit koma norðaftur.
Tað er ikki lov at keypa í skúlatíð, heldur ikki í automatini í svimjihøllini.
Svimjihøllin hevur ikki altíð svimjibrillur og næsaklemmur, so um tú mást hava tað fyri at svimja, so mást tú hava við sjálv/sjálvur.
Týsdagur
16. juni
Ítróttadagur
Í dag er ítróttadagur. Verið í hóskandi klæðum eftir veðrinum. Skúladagurin endar kl.11.20.
Mikudagur
17. juni
Útferð til Árnafjarðar
Um viðrar fara vit útferð til Árnafjarðar. Havið  skiftiklæðir, handklæði og matpakka við. Vit leiga jollurnar, so umráðandi er at hava bjargingarvest við eisini.
Skúladagurin er liðugur kl. 11.20.
Hósdagur
18. juni
Morgunmatur og fráfaringarløta
Í dag nýtast næmingar ikki at møta fyrr enn kl.9,, men skúlin er tó opin sum hann plagar. Kl.9 eta vit øll morgunmat saman, og síðani er ein fráfaringarløta fyri 7.fl., har vit ynskja teimum bestu ynskir framyvir. Eftir hetta er skúladagurin liðugur, tó kann 1., 2. og 3.fl. verða til kl. 11.20, tá frítíðarskúlin letur upp.

Góða summarfrítíð!
Fríggjadagur
19. juni

Flokslærari: Nancy Kallsberg tlf. 276438

Vetrarmyndir (nov. 2022)


Tríggjar tær seinastu ferðirnar vit hava havt evning, so hava vit arbeitt við hesum flottu vetrarmyndunum. 
Vit byrjaðu við at mála ein gulan runding og síðani aðrar litir runt um gula rundingin, so alt pappírið bleiv málað. Síðani hava vit klipt trø, flykrur og kava út og límað tað á myndina soleiðis, sum vit ynsktu, at hon skuldi síggja út. Eg haldi, at myndirnar blivu avbera flottar, um eg skal siga tað sjálv ;)
Ongar myndir

Evning

Vit arbeiddu við at tekna fýrverk í evning mikudagin 5/1-22, og hetta flotta fýrverkið kom burturúr.

Rúmdarverur

Í nýggja blaðnum Píka7 er ein opna um rúmdarverur, og so var nokk so upplagt, at gera okkara egnu rúmdarverur í evning í dag (19/1-22). Eftir at vit høvdu gjørt verurnar, so gingu vit runt til hvønn annan, so øll kundu greiða frá sínari rúmdarveru :)